Varsel om avvik (RRH-0120)

Rapporteringspliktige verksemder og offentlege myndigheiter som har plikt til å varsle om moglege avvik i registeret.

Rapporteringspliktige skal etter kvitvaskingslova kontrollere reelle rettshavarar som kundetiltak overfor nye kundar og som kontinuerleg oppfølging overfor eksisterande kundar.

Rapporteringspliktige som skal varsle registeret er:

• bank
• kredittføretak
• finansieringsføretak
• betalingsføretak og andre som har rett til å yte betalingstenester
• verdipapirføretak
• forvaltningsføretak for verdipapirfond
• føretak som driv forsikringsformidling som ikkje er gjenforsikringsmekling
• forvaltar av alternative investeringsfond
• låneformidlingsføretak

Offentlege myndigheiter som skal varsle registeret er:

• politi- og påtalemyndigheit
• Eininga for finansiell etterretning som er ansvarleg for å motta opplysningar om mistenkelege forhold etter kvitvaskingslova § 26
• skattemyndigheiter
• tilsynsmyndigheiter for rapporteringspliktige etter kvitvaskingsregelverket
• tilsynsmyndigheiter for stiftelsar
• andre myndigheiter med ansvar for å etterforske og påtale kvitvasking, primærbrotsverk og terrorfinansiering
• andre myndigheiter med ansvar for sporing, bandlegging og inndraging av utbytte
• sikkerheitsmyndigheiter  

For å få tilgang, må verksemda di ha tilgang til eitt av desse API-scopa i tilgjengeleggjeringsløysinga:

• reelle/offentleg
• reelle/rapporteringspliktige

Dersom verksemda ikkje har tilgang, kan de søke om det her: Data om reelle rettshavarar  Brønnøysundregistera  

1. organisasjonsnummeret til verksemda du varslar på
2. kva som er feil og kva som er rett
3. opplysningar om den reelle rettshavaren:
   • fødselsdato
   • namn
   • adresse
   • alle statsborgarskap
   • posisjon (eigarskap, kontroll over stemmerett, rett til å peike ut eller avsette meir enn halvparten av styremedlemmene, eller kontroll på annan måte)
   • grunnlag (direkte, indirekte, einigheit eller avtale)
4. er den reelle rettshavaren registrert gjennom ei mellomliggande verksemd må de oppgi:
   • organisasjonsnummer og namn - norske verksemder
   • namn, adresse, land og eventuelle registreringsnummer – utanlandske verksemder

• dagleg leiar i verksemda som har tilgang til å varsle om avvik

Dersom du ikkje har tilgang til å fylle ut og sende inn skjemaet, må du få:

• delegert enkelttenesta «RRH-uoverensstemmelse»
• delegert enkelttenesta «lese reelle rettighetshaver» for å kunne sjå kvittering, etter at du har sendt inn varsel om avvik. Det er også tilstrekkeleg med rolla «post/arkiv».

Her kan du lese meir om korleis verksemda tildeler rettar og roller i Altinn.

Når du har sendt inn skjemaet, får du ei kvittering som viser opplysningane du har meldt. Verksemda du har varsla om får eit brev i Altinn med informasjon om:

• kven som har varsla
• kva varselet gjeld
• ein frist på tre veker til å registrere riktige opplysningar om reell rettshavar

Dersom verksemda ikkje oppdaterer innan fristen, blir varselet synleg for dei som har innsyn i registeret. Offentlege myndigheiter får også innsyn i kven som har sendt inn varselet. Verksemda får samtidig eit nytt brev i Altinn og tre nye veker til å rette opp feilen.

Dersom opplysningane framleis ikkje er oppdaterte innan den nye fristen, kan det bli gitt dagbøter (tvangsmulkt). Reglane for tvangsmulkt er dei same som er beskrivne i kapittel 15 i rettleiaren.