Aksjonærregisteret
Alle aksjeselskap skal kvart år sende inn ei aksjonærregisteroppgåve (RF-1086) til Aksjonærregisteret hos Skatteetaten. Denne leverer du elektronisk via Altinn.
Aksjonærregisteroppgåva
Aksjonærregisteroppgåva skal innehalde opplysningar som har betydning for skattlegginga av aksjonærane. Ho dannar grunnlag for "Aksjeoppgåva" som vert send til aksjonærane for bruk i skattemeldinga.
Aksjonærregisteroppgåva kan du sende inn etter kvart som eventuelle endringar skjer, men ho må seinast sendast innan 31. januar i året etter inntektsåret. Det er den sist innsende oppgåva som vil vere den gjeldande. Oppgåva skal sendast til aksjonærregisteret sjølv om det ikkje har vore endringar i løpet av året.
Nystifta selskap skal levere aksjonærregisteroppgåva sjølv om selskapet ikkje er registrert i Føretaksregisteret innan årets slutt.
Skatteetaten – om levering av aksjonærregisteroppgaven
Selskap som er avvikla i løpet av året, skal også sende inn aksjonærregisteroppgåva.
Tvangsmulkt
Du kan bli ilagd døgnmulkt på 657 kroner per døgn om du leverer for seint, unnlet å rapportere eller om det openberre feil i dei opplysningane som blir rapporterte. Mulkta kan ikkje overstige 65 700 kroner.
